المجتمع

سلوكيات و عادات وتقاليد من المجتمع التونسي

المجتمع التونسي كيغيره من المجتمعات العربية يحتوي على العديد من السلوكيات و المعتقدات الخرافية التي يعتبرها البعض أساطير من وحي الخيال و مجرد حكايات شعبية في يصدقها البعض الاخر و يؤمن بها و تختلف هذه السلوكيات و المعتقدات من منطقة الى اخرى و من جهة الى جهة وكل لديه نسخته الخاصة التي تختلف عن باقي الجهات.

من بين السلوكيات و المعتقدات المنتشرة بكثرة في المجتمع التونسي نذكر فيما يلي أهمها:

  • حسب المعتقدات المتوارثة عند التوانسة أن كل من يكثر الجلوس فوق مخدة (الوسادة)…فإن الأبناء الذين يرزق بهم بعد الزواج يكونون من جنس الإناث …!!!!!!​
  • كيف تشري gomme تلقاه مقسوم على إثنين جهة حمراء تفسخ قلم الرصاص و الجهة الزرقاء تفسخ الستيلو ملاحظة: ثمة شكون كان يزيد بعض البصاق للجهة الزرقاء لإضافة فاعلية أكثر.
  • المادة الموجودة في غطاء علبة “الحرابش الفوارة” هي عبارة عن سم قاتل.
  • وقتلي تولي عند دار الناس خلي شوي في الكاس باش ميقولوش جيعان.
  • توجد إسطورة تقول أن من يلعب وقت الضهيرة في الصيف تقوم عجوز باختطافه وأكله. “عزوزة الستوت”.
  • موش باهي تحط الشلاكة مقلوبة.
  • ما تلعبش بالمقص (حل سكر ورا بعضو)
  • توجد إسطورة تقول أن القط الأسود من الجن . ومن يرميه بحجر يصاب بمس شيطاني.
  • ما يلزمش المرأة تكنس دارها وقت المغرب ..​. تعرفوش علاش …؟؟؟؟ على خاطر ما هم يقولوا عند حلول الظلام يبات الرزق …لذا ماهوش معقول كنسان الرزق من الدار …!!
  • في فترة تبديل الأسنان يقول الطفل أثناء رمي السن: يا شمس هاك سنة البهيم وأعطيني سنة الغزال
  • من بين الاساطير التي سمعتها مؤخرا من أم لطفل لديه لحمات في الحلق “اللي ينحي اللحمات مايجيبش صغار” تقولش عليه الطبيب باش ينحيهملو من اللوطا
  • تقول الأسطورة كيف تبدى تاكل في سبولة متاع شعير خضرة خلي ثلاثة كعبات في اللخر (وحدة صدقة ليك ووحدة صدقة لبوك ووحدة صدقة لأمك)​
  • قالك يا سيدي الدجاجة الي تكرك على العظم و يفقسو و بعد يموتولها و يبقى واحد برك يطيشوه وراء الدار كان عاش يعيش مبروك على اماليه و كان مات رتاحو من بلاه
  • تقول الاسطورة ما تاكلش البوكماش الي في الدوارة على خاطر يكمش الوجه.
  • موش مليح تقول ملح على الصباح و تنجم تعوضها بكلمة ربح.
  • إلي يقشقش الماكلة ويلحس الصحن و إلا القصعة عرسوا يجي بالمطر.
  • تقول الأسطورة في عيد الأضحى كيف نشوو اللحم وكبدة لازم نحيو طريفات من كبدة ونحطوهم في تراكن الدار قال شنوة للملائكة
  • إلي كيف إيدك اليمين تحكك يعني باش تدفع فلوس و كيف إيدك اليسار يعني باش تاخذ فلوس

تحتوي العديد من هذه الأساطير و السلوكيات على تاريخ شعب وماضيه وأيضا مستقبله بإعتبارها موروث شعبي و أدبي في نفس الوقت و من الجيد الإحتفاظ بها وتسجيلها للأجيال القادمة حتى يتعرفوا على جذورهم وكيف كان يعيش أسلافهم.

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى